Прычынай аварыі малайзійскага самалёта «Боінг-777» стала «магутная дэкампрэсія ў выніку выбуху». Пра гэта паведамляюць CBS News са спасылкай на следчыя аварыі.
Такая першая інфармацыя, здабытая ў выніку дасьледаваньня «чорных скрыняў», якія баевікі перадалі сьледчым. Такую магутную дэкампрэсію магло пацягнуць трапленьне ракеты ў самалёт.
У аўторак 22 ліпеня Вялікабрытанія пагадзілася правесьці расшыфроўку дадзеных «чорных скрыняў» Boeing-777 малайзійскіх авіялініяў, зьбітых 17 ліпеня ў Данецкай вобласьці.
Самалёт «Боінг-777» «малайзійскіх авіялініяў», які рухаўся па маршруце Амстэрдам (Нідэрлянды) - Куала-Лумпур (Малайзія), пацярпеў крушэньне 17 ліпеня на ўсходзе Ўкраіны. Захад і ўлада Ўкраіны заяўляюць, што самалёт зьбілі прарасейскія баевікі пры падтрымцы Расеі. Масква сваё дачыненьне адмаўляе і ўскладае адказнасьць на ўкраінскі бок.
На працягу трох дзён баевікі кантралявалі зону аварыі і не дапускалі да яе ратавальнікаў і сьледчых.
Радыё Свабода Менск, 27 ліпеня 2014
