Упраўленне Камітэта дзяржаўнай бяспекі Беларусі па Брэсцкай вобласці вывучае наяўнасць тэрарыстычнага следу ў выбуху, які адбыўся вечарам 25 красавіка ў Кобрыне. Пра гэта паведаміла прэс-служба УКДБ.
Напярэдадні ў выніку выбуху гранаты загінулі два чалавекі — бацька 1957 года нараджэння і сын 1979 года нараджэння. На месца здарэння выязджала аператыўна-следчая група з ліку супрацоўнікаў УКДБ па Брэсцкай вобласці, упраўлення Следчага камітэта па Брэсцкай вобласці, УУС Брэсцкага аблвыканкама, абласнога ўпраўлення МНС, а таксама спецыялісты сапёрна-піратэхнічнай групы ўнутраных войскаў.
Як адзначаецца ў паведамленні УКДБ, старэйшы загінулы раней прыцягваўся да крымінальнай адказнасці паводле арт. 186 КК (пагроза забойствам, прычыненнем цяжкіх цялесных пашкоджанняў ці знішчэннем маёмасці), малодшы — працяглы час знаходзіўся ў Паўночна-Каўказскім рэгіёне Расіі і вярнуўся ў Кобрын за два дні да гібелі.
Знаёмымі адзначаецца наяўнасць фінансавых цяжкасцяў у сям`і загінулых, што магло стаць прычынай для спробы арганізацыі нелегальнага збыту сродкаў паражэння, у тым ліку ў інтарэсах пэўных замоўцаў з ліку нелегальных мігрантаў.
УКДБ па Брэсцкай вобласці сумесна са Следчым камітэтам праводзяцца праверачныя мерапрыемствы ў межах артыкулаў 173, 174 КПК, вырашаецца пытанне аб распачынанні крымінальнай справы. У якасці асноўнай распрацоўваецца версія тэрарыстычнай скіраванасці, адпрацоўваецца магчымы канал дастаўкі ў Беларусь боепрыпасаў і выбуховых рэчываў.
Вячаслаў Будкевіч,
БелаПАНМінск, 26 красавіка 2012
