Як адзначыў чыноўнік, усе асноўныя групы тавараў, якія сёння сацыяльна значныя для Беларусі, знаходзяцца на кантролі Мінгандлю. Па яго словах, якія перадае БелаПАН, вытворчасць грачаных круп за апошнія гады падвоілася. У 2008 годзе яна была 5,4 тысячы тон, а сёлета- 12 тысяч тон. Міністр кажа, што ніякіх праблем на гэтым тыдні з грэчкай не будзе.

Таксама ён заявіў, што і з пастаўкамі масла праблемаў няма. Беларусь можжа 30% аб`ёму масла пастаўляць на ўнутраны рынак і 70% — экспартаваць, адзначыў Чаканаў.

Па словах намесніка Мінгарвыканкама Ўладзіміра Калтовіча, з-за ажыятажу грэчкі ў мінскіх крамах прадаецца ў два-тры разы больш, чым звычайна. Запасы круп на сённяшні дзень складаюць 167 тон пры сярэднясутачных пастаўках ад 20 да 30 тон.

13 верасня 2010
Еўрарадыё