Зноў я з вамі, са сваімі,
Мілыя сяляне!
Будзем разам спатыкаці
Ночку і світанне.
Станем разам у парадак
З плугам на папары
Спольна скібіну варочаць,
Нажываць загары,
Над работай непрыдумнай
Вясковай пакоры
Будуць здаля баяць байкі
Хвойкі, ясакоры.
Скіба ў скібу, гоні ў гоні
Высцелем на дзіва;
Ляжа зерне, ўзойдзе колас, —
Узрастай шчасліва!
За плугамі за сваімі
На прасторы божым
Чыстым сэрцам, вольнай думкай
Песню-казку зложым.
Пойдзе плавам песня-казка
Ў свет аб нашай славе,
Дзіву дасца свет вялікі
Гэтакай праяве.
Хай свет знае, што патрапе
Без чужых прымусаў
Беларуса праца, сіла,
Сэрца беларуса.
Кoличество переходов на страницу: 558
| Версия для печати | Сообщить администратору | Сообщить об ошибке | Вставить в блог |
