Курс валютпокупкапродажа
USD335.78336.65
EUR394.58396.83
RUR5.825.87
www.kurs.kz
 


 




Найти
 
 


За сем месяцаў пастаўлена на экспарт прадукцыі машынабудавання на 2,9 млрд долараў


Пра гэта паведамляе Белстат.
За сем месяцаў 2017 года пастаўлена на экспарт прадукцыі машынабудавання на 2 млрд 931 млн долараў ЗША, або на 30% больш, чым у студзені—ліпені 2016 года, гаворыцца ў аглядзе Нацыянальнага статыстычнага камітэта, прысвечаным Дню машынабудаўніка, які адзначаецца ў гэтым годзе 24 верасня .

Істотна павялічыўся экспарт у натуральным выражэнні трансфарматараў электрычных (у 2,4 разу), седлавых цягачоў (у 1,8 разу), дарожнай і будаўнічай тэхнікі (у 1,7 разу), аўтамабіляў спецыяльнага прызначэння (у 1,6 разу), грузавых аўтамабіляў (на 39%), трактароў (на 18,3%).

У студзені—ліпені гэтага года прадукцыя пастаўлялася на рынкі 126 краін (за аналагічны перыяд мінулага года — 122).

Машынабудаўнічы комплекс рэспублікі прадстаўляюць больш за 265 буйных і сярэдніх арганізацый, у іх працуюць 185 тыс. чалавек.

Беларускія прадпрыемствы спецыялізуюцца на выпуску грузавых аўтамабіляў, кар`ерных самазвалаў, аўтобусаў, тралейбусаў, дарожнай і будаўнічай тэхнікі. Беларусь таксама з`яўляецца найбуйнейшым вытворцам сельскагаспадарчых машын: трактароў, камбайнаў, розных відаў кормаўборачнай тэхнікі і агрэгатаў. Важнае месца ў прамысловай вытворчасці займае выпуск бытавой тэхнікі: тэлевізараў, халадзільнікаў і маразільнікаў, пральных машын і мікрахвалевых печаў, электрычных і газавых пліт.

У студзені—жніўні гэтага года ў рэспубліцы выраблена прадукцыі машынабудавання на 8 млрд рублёў.

Доля чатырох ключавых кампанентаў машынабудавання (вытворчасць машын і абсталявання; вытворчасць транспартных сродкаў і абсталявання; вытворчасць вылічальнай, электроннай і аптычнай апаратуры; вытворчасць электраабсталявання) склала 15,5% ад агульнага аб`ёму выпуску ў апрацоўчай прамысловасці.

Найбольшую ўдзельную вагу ў вытворчасці прадукцыі машынабудавання (амаль 50%) займае прадукцыя прадпрыемстваў па вытворчасці машын і абсталявання, не ўключаных у іншыя групоўкі.

У студзені—жніўні 2017 года аб`ём вытворчасці машын і абсталявання, не ўключаных у іншыя групоўкі, склаў 3 млрд 824,2 млн рублёў, што ў супастаўных цэнах на 23% больш, чым за адпаведны перыяд мінулага года.

Арганізацыямі рэспублікі выраблена вылічальнай, электроннай і аптычнай апаратуры на 932,5 млн рублёў (на 1% больш).

Аб`ём вытворчасці электраабсталявання ў студзені—жніўні гэтага года склаў 1 млрд 555,7 млн рублёў і ў параўнанні з аналагічным перыядам 2016 года павялічыўся ў супастаўных цэнах на 4,4%.

Транспартных сродкаў і абсталявання выраблена на 1 млрд 678,5 млн рублёў (на ўзроўні аналагічнага перыяду 2016 года).

Марына Носава, БелаПАН
Мінск, 24 верасня 2017
 
Дата публикации:24.09.2017
Тематика:Товары из Беларуси, Экономика
Просмотров:66
 
Ключевые слова:
Экспорт Статистика Машиностроение
 
 


Комментарии



 



Другие новости по этой теме