https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларусь можа пачаць экспартаваць хлеб у Злучаныя Штаты Амерыкі і Ізраіль


Аб гэтым паведаміла 13 лістапада начальнік аддзела мукамольнай, крупяной, хлебапякарнай і макароннай прамысловасці Міністэрства сельскай гаспадаркі і харчавання Ірына Баранцэвіч.
"Нашы прадпрыемствы асвоілі тэхналогію вытворчасці замарожаных вырабаў, - адзначыла спецыяліст. - Гэта вельмі працазатратная і энергаёмістая вытворчасць, ад якой многія ўжо адышлі".

Паводле слоў Ірыны Баранцэвіч, цяпер прадпрыемствы сістэмы Мінсельгасхарча актыўна экспартуюць замарожаны хлеб. У прыватнасці, гэтай прадукцыяй ужо зацікавіліся Ізраіль і Амерыка.

"У кастрычніку бягучага года адно з магілёўскіх прадпрыемстваў ажыццявіла пробную пастаўку замарожанага хлеба ў ЗША. Цяпер рыхтуецца партыя для Ізраіля", - адзначыла начальнік аддзела. Пры гэтым асноўная маса хлебабулачных вырабаў, паводле яе слоў, усё ж такі экспартуецца ў прылеглыя раёны Расійскай Федэрацыі. Так, за 9 месяцаў бягучага года ўсходняй суседцы пастаўлена 4,5 тыс. т замарожанага хлеба больш як на $6,7 млн.

"Нашы хлябы натуральныя, яны маюць даволі вялікія тэрміны прыгоднасці, таму нядзіўна, што іх хочуць бачыць у тым ліку і ў такіх краінах, як Амерыка", - рэзюмавала Ірына Баранцэвіч.

13 лістапада 2014, Мінск
Таццяна Грыгаровіч - БЕЛТА
 
Дата публикации:13.11.2014
Тематика:Товары из Беларуси, Экономика
Просмотров:1278
 
Ключевые слова:
Экспорт Замороженный хлеб Инновации
 
 


Комментарии



 



Другие новости по этой теме