"За межы краіны чым даражэй прадасце — тым лепш. Унутры краіны цэны і так вельмі высокія. Наша насельніцтва ўжо не вывозіць тавары (а гэта барометр), а ездзіць, у прыватнасці, у Расію і ва Украіну, закупляе там тавары і ўвозіць у Беларусь, у тым ліку беларускія. Канкрэтныя абавязацельствы ў гэтых сферах браў на сябе ўрад. Хацеў бы пачуць, як вырашаюцца гэтыя пытанні", — цытуе Лукашэнку дзяржаўнае агенцтва БелТА. 

Нагадаем, пра неабгрунтаванасць росту цэн Лукашэнка заяўляў таксама 8 снежня, прымаючы з дакладам старшыню Мінгарвыканкама Андрэя Шорца. Ён, у прыватнасці, даручыў Шорцу стрымліваць рост цэн у Мінску перад навагоднімі святамі. 

Наступным днём Мінгандлю прадпісала галіновым міністэрствам, канцэрнам і мясцовым органам улады аб`явіць да 15 студзеня мараторый на павелічэнне адпускных і рознічных цэн на спажывецкія тавары. 

У сваю чаргу Міністэрства аховы здароўя запатрабавала ад гандлёвых аб`ектаў не павышаць цэны на лекавыя сродкі і вырабы медпрызначэння. Гэтае рашэнне міністэрства растлумачыла неабходнасцю выканання ўказа прэзідэнта № 567 "Аб дадатковых мерах па абароне правоў спажыўцоў" ад 5 снежня.

Мінск, 18 снежня 2014