Беларусь размясціла ў сябе расійскую ядзерную зброю, а ў 2025-м атрымае на ўзбраенне і найноўшы гіпергукавы комплекс "Орешник" з РФ. У Саюзнай дзяржаве ўдзяляюць асаблівую ўвагу абароне і ваенна-тэхнічнаму супрацоўніцтву.

Старшыня Камісіі Парламенцкага Сходу Саюза Беларусі і Расіі па бяспецы і абароне Генадзь Ляпешка ў эксклюзіўным інтэрв’ю Sputnik расказаў, што "Орешник" закліканы абараніць межы Саюзнай дзяржавы і перасцерагчы "гарачыя галовы" на Захадзе ад неабдуманых дзеянняў. Акрамя таго, ахалоджвае запал вайскоўцаў НАТА і рэгіянальная групоўка войск дзвюх краін.

У той жа час Ляпешка падкрэсліў, што краіны не збіраюцца ні на каго нападаць, але ў выпадку агрэсіі ў бок Беларусі і Расіі адказаць гатовы.

"Таму, вядома, гэта пэўныя новыя выклікі і пагрозы ў адносінах не толькі да Рэспублікі Беларусь, але і да Саюзнай дзяржавы. Мы ўсё гэта бачым, таму і рэагуем на гэта", - сказаў парламентарый.

Sputnik, 23 снежня 2024