Палата прадстаўнікоў прыняла сёння ў першым чытанні папраўкі ў закон аб якасці і бяспецы харчовай сыравіны і прадуктаў харчавання для жыцця і здароўя чалавека.

Праект закона замацоўвае патрабаванні да інфармацыі аб якасці і бяспецы харчовай сыравіны і прадуктаў харчавання, якая павінна змяшчацца ў суправаджальных дакументах, на ўпакоўцы, этыкетках.

Паводле слоў дэпутата, на прадуктах павінен быць пазначаны іх састаў, суадносіны інгрэдыентаў. "Калі ГМА будзе выкарыстаны больш як на 0,9 працэнта - гэта будзе пазначана", - дадаў ён.

Законапраект таксама рэгламентуе парадак кантролю ў галіне забеспячэння якасці і бяспекі сыравіны і прадуктаў, правы і абавязкі юрыдычных асоб і ІП, якія працуюць у гэтай сферы.

На заключным пасяджэнні Палата прадстаўнікоў прыняла шэраг законапраектаў, у тым ліку папраўкі ў закон аб дзяржзакупках, а таксама ў некаторыя кодэксы.

Раней у Авальнай зале адбылося сумеснае пасяджэнне Палаты прадстаўнікоў і Савета Рэспублікі. Перад парламентарыямі з дакладам аб прыярытэтах развіцця мінеральна-сыравіннай базы краіны выступіў намеснік прэм`ер-міністра Міхаіл Русы.

На пасяджэнні прысутнічала таксама парламенцкая дэлегацыя Малайзіі на чале са спікерам Палаты прадстаўнікоў парламента гэтай краіны Пандзікарам Амінам Муліа.

21 снежня 2016, Мінск
БЕЛТА