Чацвёра з нелегалаў, якія трапілі ў Літву з Беларусі, у той дзень былі перададзеныя беларускім пагранічнікам, а пяты, які прад`явіў падроблены дакумент, — арыштаваны. 

Пагранічнікі Дзевянішскай заставы 31 снежня пры патруляванні ў раёне вёскі Рынджунай Шальчынінкайскага раёна выявілі сляды некалькіх чалавек, якія вялі на тэрыторыю Літвы з Беларусі. Пагранічнікі адсачылі іх да дарогі Кракунай — Дзевінішкес, у іх з`явілася падазрэнне, што парушальнікі маглі тут сесці ў аўтамабіль. 

Каля выезду з так званай Дзевянішскай пятлі пагранічнікі праверылі прыгарадны аўтобус і выявілі ў ім чачэнцаў, грамадзян Расіі, 20, 24 і 33 гадоў. У іх пашпартах не было шэнгенскіх віз, якія даюць права легальнага ўезду і знаходжання на тэрыторыі ЕС. 

Пяты пасажыр прад`явіў пагранічнікам пашпарт, выдадзены на імя грамадзяніна Славеніі 23 гадоў, а таксама ідэнтыфікацыйную картку асобы на імя той жа асобы. Паводле папярэдніх даных, абодва гэтыя дакументы — фальшыўкі.

БелаПАН
Мінск, 2 студзеня 2015