Парлямэнт Украіны 8 лютага зноў адмовіўся адмяніць артыкул крымінальнага кодэксу, паводле якога асуджаная экс-прэм`ер Юлія Цімашэнка.
Праект закону, прапанаваны апазыцыяй, падтрымалі 150 дэпутатаў пры неабходным мінімуме 226 галасоў. Супраць выступілі фракцыі прапрэзыдэнцкай Партыі рэгіёнаў, камуністаў і Народнай партыі.
У кастрычніку летась суд у Кіеве асудзіў Цімашэнку на сем гадоў пазбаўленьня волі за перавышэньне службовых паўнамоцтваў пры падпісаньні газавага пагадненьня з Расеяй у 2009 годзе. Цімашэнка адбывае пакараньне ў калёніі ў Харкаве.
Прыхільнікі Цімашэнкі і праваабаронцы лічаць, што крымінальны перасьлед экс-прэм`ера Ўкраіны палітычна матываваны і патрабуюць яе неадкладнага вызваленьня.
Радыё Свабода 8 лютага 2012
