Міністар замежных спраў Італіі Франка Фратыні заклікаў да неадкладнага спыненьня ваенных дзеяньняў у Лівіі, каб забясьпечыць дастаўку насельніцтву гуманітарнай дапамогі. Выступаючы 22 чэрвеня ў парлямэнце, Фратыні заявіў, што давер да НАТО можа пахіснуцца з-за стратаў сярод цывільнага насельніцтва ў выніку бамбаваньняў Трыпалі.
НАТО прызнала гібель цывільных жыхароў у сталіцы Лібіі ў нядзелю ў выніку авіяўдараў, нанесеных памылкова.
Сёньня міністар замежных спраў Кітаю Ян Цзэчы заявіў аб прызнаньні створанага лібійскай апазыцыяй пераходнай нацыянальнай рады ў якасьці "важнага партнэра для правядзеньня дыялёгу". Пра гэта ён паведаміў на перамовах з прадстаўніком лібійскага пераходнай рад Махмудам Джыбрылам, які знаходзіцца з афіцыйным візытам у Кітаі.
Радыё Свабода22 чэрвеня 2011
