Прэзідэнт Беларусі Аляксандр Лукашэнка падпісаў указ нумар 380, якім унесены змяненні ва ўказ нумар 366 ад 11 жніўня 2005 года "Аб фармаванні цэн на лекавыя сродкі, вырабы медыцынскага прызначэння і медыцынскую тэхніку". 

Дакументам устаноўлены адзіныя падыходы да пераацэнкі імпартных медыцынскіх тавараў пры змяненні курсаў валют незалежна ад краіны вытворчасці. А менавіта, замацаваны абавязак імпарцёраў карэктаваць кошт медыцынскіх тавараў, пастаўленых з адтэрміноўкай плацяжу, пры зніжэнні курсаў валют.

Указ прыняты ў мэтах удасканалення цэнавай палітыкі на рынку медыцынскіх тавараў і накіраваны на захаванне асартыменту запатрабаваных лякарстваў на ўнутраным рынке, забеспячэнне іх даступнасці для насельніцтва і арганізацый аховы здароўя.

25 кастрычніка 2022, Мінск
БЕЛТА