«Многія курцы спрабуюць поўнасцю або часткова перайсці на электронныя цыгарэты ў надзеі на тое, што гэта знізіць рызыку развіцця спадарожных захворванняў. Наша даследаванне паказала, што адначасовае ўжыванне і тых, і іншых прадуктаў не зніжае рызыку развіцця хвароб сэрца і сасудаў», — заявіў дацэнт Бостанскага ўніверсітэта (ЗША) Эндру Стоўкс, чые словы прыводзіць прэс-служба AHA.

У даследаванні прынялі ўдзел больш за 24 тысячы мужчын і жанчын. Больш за палову з іх эпізадычна або пастаянна ўжывалі тытунёвыя або электронныя цыгарэты ў 2013-2019 гадах. Каля 1,8 тыс. добраахвотнікаў, адначасова выкарыстоўвалі і класічныя тытунёвыя вырабы, і вэйпы, што дазволіла навукоўцам ацаніць наступствы замены тытуню на электронныя аналагі.

Аналіз паказаў, што частата развіцця кардыялагічных захворванняў, зваротаў да ўрачоў, а таксама смерцяў пацыентаў з-за праблем з сэрцам і сасудамі фактычна не адрознівалася сярод добраахвотнікаў, якія ўжывалі толькі тытунь або спалучалі яго з вэйпамі. Гэта было характэрна як для цяжкіх парушэнняў у працы сістэмы кровазвароту, так і для менш небяспечных праблем, такіх як запаленне сасудаў або сардэчнай мышцы.

З іншага боку, поўны пераход на вейпы зніжаў на 30-40% частату развіцця ўсіх тыпаў праблем з сэрцам і сасудамі, аднак пакуль навукоўцы не могуць сказаць, ці закранаў гэты эфект толькі несмяротныя хваробы сэрца ці ж ён уключаў у сябе інсульты, інфаркты і сардэчную недастатковасць. Павелічэнне колькасці ўдзельнікаў PATH, як спадзяюцца навукоўцы, дапаможа ім атрымаць адназначны адказ на гэтае пытанне.

Звязда, 10 траўня 2022