Для гэтага яны прааналізавалі даныя 110 тысяч чалавек з поўнай занятасцю, сабраныя з 2015 па 2019 год. Людзі з алкагалізмам паведамлялі аб прапушчаных 32 днях працы кожны год па хваробе, траўме ці проста прагуле. Гэта аказалася больш чым удвая больш колькасці рабочых дзён, прапушчаных людзьмі, якія алкаголем не злоўжывалі. Сумарна людзі з алкагольнай залежнасцю прапусцілі больш за 232 мільёны рабочых дзён у год.

Даследнікі таксама выявілі, што з тых, хто рэгулярна прапускае працу і занятых поўны працоўны дзень аказалася дзевяць працэнтаў рэспандэнтаў з алкагалізмам. А работнікаў з больш умераным ужываннем спіртнога, аднак яны гэтак жа рэгулярна прапускалі працу з-за п’янства, аказалася 14 працэнтаў.

Нягледзячы на тое, што часта людзі, якія прапускаюць такую колькасць працоўных дзён, бываюць звольненыя, спецыялісты ўсё ж спадзяюцца, што праца можа стаць месцам, дзе супрацоўніку дапаможа яго кіраўнік і калектыў.

У сакавіку амерыканскія навукоўцы з Пенсільванскага універсітэта высветлілі, што ўжыванне алкаголю нават у невялікіх колькасцях можа быць звязана з памяншэннем агульнага аб’ёму мозгу.

Звязда, 21 сакавіка 2022