Пра гэта заявіў 11 ліпеня еўракамісар па пытаннях пашырэння і еўрапейскай палітыкі суседства Штэфан Фюле.
"Дарожная карта" да саміту краін "Усходняга партнёрства", які пройдзе ў 2013 годзе ў Вільнюсе, будзе зацверджана на міністэрскай сустрэчы 23 ліпеня ў Люксембургу.
"Я спадзяюся, што маючая адбыцца 23 ліпеня міністэрская сустрэча "Усходняга партнёрства" пацвердзіць, што "дарожная карта" з`яўляецца базай для прасоўвання нашай працы", — сказаў Фюле.
Паводле яго слоў, гэты дакумент закліканы прасунуць сумеснымі намаганнямі палітычную асацыяцыю і эканамічную інтэграцыю ЕС з краінамі "Усходняга партнёрства" і скіраваны на актывізацыю супрацоўніцтва ў шырокім дыяпазоне сектараў.
Праграма "Усходняе партнёрства" арыентавана на Азербайджан, Арменію, Грузію, Малдову, Беларусь і Украіну. "Усходняе партнёрства" не прадугледжвае магчымасці членства ў ЕС, але прадугледжвае палітычнае і эканамічнае збліжэнне з гэтай рэгіянальнай арганізацыяй, уключаючы палягчэнне візавага рэжыму і супрацоўніцтва ў сферы энергетыкі.
Таццяна Каравянкова,
БелаПАНМінск, 11 ліпеня 2012
