У пункце пропуску "Церахоўка" 9 лютага пагранічны нарад па аглядзе транспартных сродкаў сумесна з супрацоўнікамі мытні выявіў у адным з вагонаў цягніка зносінамі Санкт-Пецярбург — Днепрапятроўск, які выязджаў з Беларусі ва Украіну, схаваны груз.
Як паведамілі ў прэс-цэнтры Дзяржаўнага пагранічнага камітэта Беларусі, грамадзянін Расіі схаваў у асабістых рэчах і баку для смецця восем дзяржаўных узнагарод часоў Вялікай Айчыннай вайны: ордэн Чырвонай Зоркі, два медалі "За адвагу" і два — "За абарону Масквы", а таксама "За баявыя заслугі", "За Перамогу над Германіяй" і юбілейны медаль "Дружбы народаў СССР — Кітай".
Акрамя таго, гомельскія пагранічнікі выявілі ў расіяніна запчасткі да агнястрэльнай зброі: прыклад і газаадводную трубку ад карабіна "Сайга", аптычны прыцэл і корцік саматужнай вытворчасці.
Нелегальны тавар канфіскаваны. Мужчына прыцягнуты да адміністрацыйнай адказнасці.
Вячаслаў Будкевіч,
БелаПАНМінск, 10 лютага 2012
