Галоўныя нарколагі дзяржаў — членаў АДКБ створаць рабочую групу для прафілактыкі наркаманіі, лячэння і рэабілітацыі нарказалежных. Пра гэта паведаміў 26 лістапада журналістам прэс-сакратар арганізацыі Уладзімір Зайнетдзінаў па выніках першай нарады галоўных нарколагаў краін АДКБ, якая прайшла ў Маскве.
Паводле інфармацыі Зайнетдзінава, размова на нарадзе ішла аб магчымасці фарміравання ў межах АДКБ каардынацыйнага механізма па прафілактыцы наркаманіі, лячэнні і рэабілітацыі хворых на наркаманію. "Для гэтага неабходна сфарміраваць часовую рабочую групу, якая зоймецца распрацоўкай адпаведных дакументаў", — цытуе прэс-сакратара РІА Новости.
На нарадзе была дасягнута дамоўленасць аб рэгулярных сустрэчах галоўных нарколагаў дзяржаў — членаў АДКБ па гэтай праблематыцы.
Прадстаўнік арганізацыі адзначыў, што галоўныя нарколагі дамовіліся арганізаваць абмен інфармацыйнымі матэрыяламі аб вопыце працы са спажыўцамі наркотыкаў, у тым ліку з ВІЧ-інфікаванымі. Акрамя таго, наркалагічныя службы дзяржаў АДКБ штогод у канцы снежня будуць накіроўваць у сакратарыят арганізацыі звесткі аб немедыцынскім спажыванні наркотыкаў і псіхатропных рэчываў.
Арганізацыя дагавора аб калектыўнай бяспецы была створана на аснове Дагавора аб калектыўнай бяспецы, падпісанага 15 мая 1992 года краінамі — членамі СНД. Зараз у АДКБ уваходзяць Арменія, Беларусь, Казахстан, Кыргызстан, Расія, Таджыкістан і Узбекістан.
БелаПАНМінск, 26 лістапада 2011
