Краіны АДКБ абмяркоўваюць пытанні прымянення Калектыўных сіл аператыўнага рэагавання (КСАР) для прадухілення дзяржаўных пераваротаў. Пра гэта паведаміў Аляксандр Лукашэнка 30 жніўня на сустрэчы з генеральным сакратаром арганізацыі Мікалаем Бардзюжам.
На сустрэчы, фрагменты якой былі паказаныя беларускімі тэлеканаламі, Лукашэнка заявіў, што ідзе гаворка "пра ўжыванне сіл, не толькі звязаных з умяшаннем звонку і агрэсіяй, але і пра ўмяшанне іншых дзяржаў знутры краін АДКБ".
"Мы сур`ёзна абмяркоўвалі гэту праблему. Гэта значная падтрымка краін, якія будуць уваходзіць у АДКБ. Фронтам, вайной ніхто на нас сёння не пойдзе, а вось канстытуцыйны пераварот учыніць рукі свярбяць ў многіх. Вядома, мы павінны абараняць цэласнасць і незалежнасць краін АДКБ", — падкрэсліў Лукашэнка.
Сяргей Каралевіч,
БелаПАНМінск, 30 жніўня 2011
