Чжаа Шы ўпэўнена, што прадстаўленыя ў беларускай сталіцы творы кітайскага мастацтва будуць садзейнічаць лепшаму ўзаемаразуменню паміж народамі дзвюх краін. Яна таксама адзначыла, што беларускі і кітайскі народы развіваюць традыцыйна дружалюбныя адносіны ва ўсіх сферах пры падтрымцы лідараў дзвюх дзяржаў.

"Абедзве дзяржавы маюць глыбокія нацыянальныя традыцыі, што стварае добрую аснову для культурных абменаў", - падкрэсліла Чжаа Шы.

Міністр культуры Беларусі Барыс Святлоў у сваю чаргу падкрэсліў, што беларуска-кітайскія сувязі развіваюцца асабліва актыўна, аб гэтым сведчыць і пастаянны абмен Днямі культуры, а таксама правядзенне культурных мерапрыемстваў.

Экспазіцыя адкрылася ў Нацыянальнай бібліятэцы. Яе арганізатарамі з`яўляюцца Асацыяцыя культуры і мастацтва Кітая, беларуская Канфедэрацыя творчых саюзаў і Кітайская асацыяцыя мастакоў.

У ходзе мерапрыемства адбылося падпісанне дагавора аб супрацоўніцтве паміж Канфедэрацыяй творчых саюзаў Беларусі і Асацыяцыяй культуры і мастацтва Кітайскай Народнай Рэспублікі.

31 ліпеня 2015, Мінск
Аліна Грышкевіч - БЕЛТА