"Вы ствараеце нармальную канкурэнцыю. Гэта таксама вельмі важна ў сферы гандлю, чаго нам, дарэчы, не хапае. Тады і цэны будуць нармальныя, калі будзе канкурэнцыя", - заявіў беларускі лідар.

Аляксандр Лукашэнка таксама закрануў функцыянаванне сферы гандлю ў вёсцы і ў невялікіх раённых гарадах. Паводле яго слоў, і тут за кошт развіцця канкурэнцыі ёсць магчымасць зніжэння цэн на прадукцыю. "У нас ёсць прадпрымальнікі, якія гатовы ўзяць цэлыя вобласці і сельскі гандаль, дайсці да кожнага селяніна, каб ён абслугоўваўся так, як мае быць, - адзначыў Прэзідэнт. - Белкаапсаюз актыўна працівіцца гэтаму. Але мы спажыўкааперацыі далі час, каб яны навучыліся нармальна абслугоўваць беларускіх сялян і каб цэны не былі завоблачнымі. А атрымліваецца ж так, што сяляне вырабляюць прадукцыю, а ў вёсцы ім даводзіцца купляць яе па цэнах вышэйшых, чым у горадзе".

"Зразумела, што і лагістыка, і дастаўка таксама патрабуюць грошай. Але трэба шукаць іншыя формы, каб не падымаць у вёсцы цэны на прадукты харчавання першай неабходнасці, адзенне. І перш за ўсё рынак гэта павінен сфарміраваць, а каб ён сфарміраваў, патрэбна і там канкурэнцыя", - лічыць кіраўнік дзяржавы.

22 ліпеня 2014, Мінск
Уладзімір Мацвееў - БЕЛТА