Паводле сэрбскіх уладаў, больш як 100 чалавек затрыманыя і каля 30 параненыя ў выніку беспарадкаў у Бялградзе.
Масавыя акцыі наладзілі прыхільнікі Ратко Младзіча, якому пагражае экстрадыцыя за вайсковыя злачынствы. Міністар унутраных спраў Івіца Дадзіч заявіў, што 111 чалавек - зь іх 37 непаўнагадовых – былі затрыманыя, 10 цывільных асобаў і 26 паліцыянтаў атрымалі раненьні, у асноўным нязначныя.
Акцыю арганізавала Сэрбская радыкальная партыя. Пратэстоўцы зьвінавацілі прэзыдэнта Сэрбіі Борыса Тадзіча і яго атачэньне ў здрадзе і заклікалі да правядзеньня новых выбараў у краіне.
Радыё Свабода30 траўня 2011
