* Для таго, каб авёс узышоў, патрабуецца шмат вільгаці. Таму да пасеву аўса ставіліся вельмі адказна. Можа таму ў народнай свядомасці так дасканала да сёння захоўваюцца "парады" накшталт: "Сей авёс у гразь, будзеш князь!".
* Калі ў нядзелю на Усёедным тыдні (дзясятым тыдні перад Вялікаднем) будзе вялікая завіруха, сеяць авёс трэба рана, а калі не — позна.
* Авёс трэба сеяць, калі "зайграе мядзведка" (шкоднае насякомае, якое жыве ў зямлі).
* Калі перад Калядамі была шэрань, то авёс трэба было сеяць перад Юр'ем (6 мая), а калі шэрань з'яўлялася пасля Каляд, то авёс трэба пасеяць пасля Юрая.
* Авёс сеялі, калі лісце на бярозе вырасла памерам з капейку.
* Авёс трэба было сеяць за два дні да надыходу поўні ці на наступныя два дні пасля, але ніколі не ў час зацьмення.
* Раілі сеяць авёс у час, калі з'явяцца камары.
* Акрамя гэтага, сеялі авёс і назіралі за камарамі: калі колькасць камароў не змянілася да часу пасеву і пасля яго, то авёс будзе добрым; калі камары напачатку з'яўляліся вялікімі хмарамі, а потым зніклі, гэта прадказвала, што ранні авёс дасць добры ўраджай, а позні — загіне.
* Таксама сеяць авёс было пажадана ў дзень, калі на небе збяруцца густыя, цёмныя аблокі.
* Назіралі: калі надвор'е на тыдні адразу ж пасля Вялікадня — Фаміным тыдні — будзе добрым, то і авёс дасць добры ўраджай.
* "Яўсей — авёс сей" — так называлі ў народзе 7 мая. Згодна з прыкметамі, у гэты дзень неабходна было сеяць авёс.
Аксана Катовіч, Янка Крук
Звязда, 23 ліпеня 2011
Кoличество переходов на страницу: 1115
| Версия для печати | Сообщить администратору | Сообщить об ошибке | Вставить в блог |
