Музей гісторыі прыватнага калекцыянавання, які не мае аналагаў, цяпер знаходзіцца ў самым цэнтры Віцебска, насупраць летняга амфітэатра. Раней экспазіцыю можна было ўбачыць у іншым будынку.
Створаны музей у 1993 годзе. У 2012-м было прынята рашэнне размясціць яго ў помніку архітэктуры — будынку першай гарадской электрастанцыі, пашырыўшы экспазіцыю для паказу найбольш цікавых прадметаў са збораў іншых калекцыянераў.
— Гэта наш філіял. У музеі можна ўбачыць больш за 1200 экспанатаў. Сярод іх — прадметы археалогіі, зброя, фарфор, вышыўка, камеі, курыльныя прылады. Прадстаўлены таксама скульптура, манеты, памятныя і ўзнагародныя медалі і знакі. Ёсць і выставачная зала, дзе плануецца прадстаўляць іншыя калекцыі, як з музейных, так і прыватных збораў, — расказвае дырэктар Віцебскага абласнога краязнаўчага музея Глеб Савіцкі.
На рамонт будынка патрацілі больш за 4,4 мільярды (да дэнамінацыі) рублёў. На стварэнне экспазіцыі — каля 700 мільёнаў.
На ганаровай цырымоніі адкрыцця прысутнічалі прадстаўнікі мясцовай улады, якія павіншавалі музейных работнікаў з прыемнай падзеяй.
Аляксандр ПУКШАНСКІ
| Версия для печати | Сообщить администратору | Сообщить об ошибке | Вставить в блог |
