Ва ўмовах нестабільнасці ў заходніх эканоміках пастаянны рост ВУП Кітая можа служыць своеасаблівым маторам для развіцця краін, гатовых супрацоўнічаць з Паднябеснай, лічыць эксперт. "Менавіта да гэтага імкнецца Беларусь, прыцягваючы кітайскія інвестыцыі на сваю тэрыторыю, у тым ліку ў рамках Кітайска-беларускага індустрыяльнага парку. Пры гэтым супрацоўніцтва ў рамках падобных да яго сумесных прадпрыемстваў выглядае найбольш шматабяцальным: выгаду ад паспяховага развіцця такіх пачынанняў змогуць падзяліць паміж сабой і беларускі, і кітайскі бок", - сказаў Сяргей Кізіма.
Паводле ацэнак аўтарытэтных эканамістаў, да 2020 года Кітай укладзе ў іншыя краіны ад $1 трлн. да $2 трлн. "Зразумела імкненне беларускага кіраўніцтва прапанаваць кітайскім прадпрыемствам праекты, рэалізацыя якіх дасць магчымацсь прыцягнуць у Беларусь частку гэтых сродкаў і пасадзейнічае мадэрнізацыі беларускай эканомікі", - адзначыў палітолаг.
Праведзены ў лістападзе 18-ы з'езд Камуністычнай партыі Кітая, на думку Сяргея Кізімы, не мог што-небудзь сур'ёзна змяніць у беларуска-кітайскіх адносінах. "Яны і так максімальна дружалюбныя, і падстаў для пагаршэння ў бліжэйшыя гады немагчыма знайсці", - падкрэсліў эксперт.
Гаворачы аб перспектывах узаемадзеяння Кітая з Мытным саюзам, Адзінай эканамічнай прасторай, Сяргей Кізіма адзначыў, што з-за суседства Кітая з Казахстанам і Расіяй непазбежна ўзмацненне адносін партнёрства і эканамічнай інтэграцыі ў рамках гэтага трохвугольніка. "Беларусь не павінна адставаць ад тэмпаў развіцця гэтых адносін, карыстаючыся перавагамі, якія прадастаўляюцца адзінай інтэграцыйнай прасторай з Казахстанам і Расіяй", - заявіў палітолаг.
Сяргей Кізіма не выключыў магчымасці пэўных супярэчнасцей паміж Расіяй з Кітаем наконт занадта моцнага прыходу апошняга ў постсавецкія краіны. "Але непазбежны і кампраміс, які будзе знойдзены паміж кіраўніцтвам дзвюх краін з-за вялікага патэнцыялу расійска-кітайскіх адносін для мадэрнізацыі расійскай эканомікі і падтрымання дастатковых тэмпаў росту", - рэзюмаваў ён.
БЕЛТА, 23 лістапада 2012
Кoличество переходов на страницу: 1072
| Версия для печати | Сообщить администратору | Сообщить об ошибке | Вставить в блог |
